ՎԱՐՉԱԿԱՆ ՇՐՋԱՆԻ ՂԵԿԱՎԱՐԻ ԱՇԽԱՏԱԿԱԶՄԻ ՖԻՆԱՆՍԱԿԱՆ ԲԱԺԻՆ

Կ Ա Ն Ո Ն Ա Դ Ր Ո Ւ Թ Յ Ո Ւ Ն

ԷՐԵԲՈՒՆԻ ՎԱՐՉԱԿԱՆ ՇՐՋԱՆԻ ՂԵԿԱՎԱՐԻ ԱՇԽԱՏԱԿԱԶՄԻ ՖԻՆԱՆՍԱԿԱՆ ԲԱԺՆԻ

1. ԸՆԴՀԱՆՈՒՐ ԴՐՈՒՅԹՆԵՐ

Սույն կանոնադրությունը սահմանում է Էրեբունի վարչական շրջանի ղեկավարի աշխատակազմի ֆինանսական բաժնի գործունեության կարգը, հիմնարար խնդիրները, իրավունքները, պարտականությունները և պատասխանատվությունը:

Բաժինն իր գործունեությունն իրականացնելիս ղեկավարվում է ՀՀ Սահմանադրությամբ, օրենքներով, Երևանի ավագանու, Երևանի քաղաքապետի, Էրեբունի վարչական շրջանի ղեկավարի որոշումներով, կարգադրություններով, Էրեբունի վարչական շրջանի ղեկավարի աշխատակազմի և սույն կանոնադրություններով:

2. ԲԱԺՆԻ ԽՆԴԻՐՆԵՐԸ ԵՎ ԳՈՐԾԱՌՈՒՅԹՆԵՐԸ

Ֆինանսական բաժինը մասնակցումում է Երևան քաղաքի բյուջետավարման գործընթացին վարչական շրջանի ղեկավարի իրավասության սահմաններում, առաջարկություն է ներկայացնում բյուջեում փոփոխություններ կատարելու մասին, տալիս դրանց ֆինանսա-տնտեսական հիմնավորումները.

Բաժինը.

ա/ միջոցառումներ է իրականացնում բյուջեի միջոցների խնայողաբար ծախսման և դրա նպատակային օգտագործման ուղղությամբ.

բ/ առաջարկություններ է ներկայացնում սահմանափակելու, իսկ անհրաժեշտության դեպքում` նաև կասեցնելու տեղական բյուջեով պահվող կազմակերպությունների ֆինանսավորումը բյուջեից, եթե կան նրանց կողմից անօրինական ծախսումների փաստեր, ինչպես նաև` եթե չեն ներկայացվել նախկինում բաց թողնված միջոցների ծախսման վերաբերյալ հաշվետվություններ և այլ նյութեր.

գ/ Երևանի բյուջեից վարչական շրջանին հատկացված միջոցներով ֆինանսավորվող կազմակերպություններից ստանում է ծախսերի նախահաշիվներ, վարչական շրջանի ղեկավարի աշխատակազմի առանձին բաժիններից ստանում է բյուջետային ֆինանսավորման հայտեր և տեղեկատվություն բյուջեի նախագիծը կազմելու, կատարելու և այլ հարցերի վերաբերյալ.

դ/ վարչական շրջանի ղեկավարի հանձնարարությամբ Երևանի բյուջեից վարչական շրջանին հատկացված միջոցներով‎ ֆինանսավորվող կազմակերպություններում պարբերաբար անցկացնում է ուսումնասիրություններ.

ե/ վերահսկողություն է իրականացնում տեղական հարկերի, տուրքերի գանձման և նախադպրոցական հիմնարկների կողմից մատուցվող ծառայությունների դիմաց վարձավճարների գանձման և գումարները ժամանակին բյուջե մուտքագրելու գործընթացի նկատմամբ.

զ/ իրականացնում է վարչական շրջանի ղեկավարի աշխատակազմի հաշվապահական գործառույթները.

է/ կազմակերպում և իրականացնում է բյուջեի կատարման հաշվառում եկամուտների և ծախսերի գծով ըստ բնագավառների, կազմակերպում է Երևանի սեփականություն հանդիսացող` վարչական շրջանի տնօրինմանը հանձնված գույքի ամենամյան գույքագրման աշխատանքների իրականացումը.

ը/Երևանի բյուջեից վարչական շրջանին հատկացված միջոցներով պահվող կազմակերպություններից ստանում է հաշվետվություններ, որոնք անհրաժեշտ են բյուջեի ծախսային մասի կատարումը հաշվառելու համար:

Ֆինասական բաժինը օրենքով սահմանված կարգով վերահսկում է գույքահարկի և հողի հարկի հավաքագրման աշխատանքները:

3. ԲԱԺՆԻ ՊԵՏԸ

Բաժինը ղեկավարում է բաժնի պետը:

Բաժնի պետն անմիջականորեն ենթակա և հաշվետու է Էրեբունի վարչական շրջանի ղեկավարին և աշխատակազմի քարտուղարին:

Բաժնի պետին անմիջականորեն ենթակա և հաշվետու են բաժնի աշխատողները:

Բաժնի պետի բացակայության դեպքում նրան փոխարինում է բաժնի գլխավոր մասնագետը:

Բաժնի պետը.

ա/ կազմակերպում, համակարգում, ղեկավարում և վերահսկում է բաժնի աշխատանքները.

բ/ լուծում է բաժնի խնդիրներն իր իրավասության սահմաններում.

գ/ իրեն անմիջականորեն ենթակա աշխատողներին տալիս է ցուցումներ, հանձնարարականներ.

դ/ բաժնի լիազորությունների սահմաններում նախապատրաստում է առաջարկություններ, տեղեկանքներ, հաշվետվություններ, զեկուցագրեր, միջնորդագրեր, հարցումներ և այլ գրություններ.

ե/ ստորագրում է իր և բաժնի անունից կազմվող փաստաթղթերը.

զ/ապահովում է բաժնի փոխհարաբերությունները աշխատակազմի այլ բաժինների հետ.

է/ կազմակերպում է քաղաքացիների ընդունելություն` բաժնի աշխատանքային բնագավառին վերաբերող հարցերով.

ը/ իրականացնում է օրենքով և այլ իրավական ակտերով նախատեսված այլ լիազորություններ:

4. ԲԱԺՆԻ ԱՇԽԱՏՈՂՆԵՐԸ

Բաժնի աշխատողները.

ա/ իրականացնում են սույն կանոնադրությամբ նախատեսված` բաժնի գործառույթներից բխող աշխատանքներ.

բ/ կատարում են բաժնի պետի հանձնարարականները և անմիջականորեն ենթակա ու հաշվետու են բաժնի պետին.

գ/ սահմանված կարգով մասնակցում են բաժնի պետի կողմից կազմակերպված` քաղաքացիների ընդունելությանը.

դ/ բաժնի պետի հանձնարարությամբ մասնակցում են Հայաստանի Հանրապետության համայնքների և այլ կազմակերպությունների ներկայացուցիչների հետ հանդիպումներին, սեմինարներին, հանդես են գալիս առաջարկություններով, զեկույցներով և այլն.

ե/ պատասխանատվություն են կրում օրենքների, այլ իրավական ակտերի պահանջները չկատարելու կամ ոչ պատշաճ կատարելու համար: