ՎԱՐՉԱԿԱՆ ՇՐՋԱՆԻ ՂԵԿԱՎԱՐԻ ԱՇԽԱՏԱԿԱԶՄԻ ԻՐԱՎԱԲԱՆԱԿԱՆ ԲԱԺԻՆ

Կ Ա Ն Ո Ն Ա Դ Ր Ո Ւ Թ Յ Ո Ւ Ն

ԷՐԵԲՈՒՆԻ ՎԱՐՉԱԿԱՆ ՇՐՋԱՆԻ ՂԵԿԱՎԱՐԻ ԱՇԽԱՏԱԿԱԶՄԻ ԻՐԱՎԱԲԱՆԱԿԱՆ ԲԱԺՆԻ

1. ԸՆԴՀԱՆՈՒՐ ԴՐՈՒՅԹՆԵՐ

Սույն կանոնադրությունը սահմանում է Էրեբունի վարչական շրջանի ղեկավարի աշխատակազմի իրավաբանական բաժնի գործունեության կարգը, հիմնարար խնդիրները, իրավունքները, պարտականությունները և պատասխանատվությունը:
Բաժինն իր գործունեությունն իրականացնելիս ղեկավարվում է ՀՀ Սահմանադրությամբ, օրենքներով, Երևանի ավագանու, Երևանի քաղաքապետի, Էրեբունի վարչական շրջանի ղեկավարի որոշումներով, կարգադրություններով, Էրեբունի վարչական շրջանի ղեկավարի աշխատակազմի և սույն կանոնադրություններով:


2. ԲԱԺՆԻ ԽՆԴԻՐՆԵՐԸ ԵՎ ԳՈՐԾԱՌՈՒՅԹՆԵՐԸ

Անմիջական ղեկավարի հանձնարարությամբ բաժնի պետը և բաժնի աշխատողները. ա/մասնակցում են տեղական ինքնակառավարման մարմինների և աշխատակազմի ռազմավարական, կազմակերպական և մասնագիտական նշանակության խնդիրների բացահայտմանը, վերլուծմանը, ինչպես նաև դրանց ստեղծագործական և այլընտրանքային լուծումներ տալու աշխատանքներին.
բ/ կազմակերպում են քաղաքացիների ընդունելություն, տալիս են իրավական բնույթի տեղեկատվություն, պարզաբանումներ: Վարչական շրջանի ղեկավարի հանձնարարությամբ պատասխանում են քաղաքացիների` վարչական շրջանի ղեկավարին հասցեագրված դիմում-բողոքներին, դրանցում առաջադրված խնդիրների հետ կապված առաջարկություններ են ներկայացնում վարչական շրջանի ղեկավարին.
գ/ քաղաքապետի կամ վարչական շրջանի ղեկավարի լիազորագրերով ներկայացնում են Երևան համայնքի շահերը դատական մարմիններում:
դ/ որպես Երևանի քաղաքապետի ներկայացուցիչ ստանում և կատարման են ներկայացնում կատարողական թերթեր, մասնակցում են կատարողական գործողություններին.
ե/ ապահովում են վարչական շրջանի ղեկավարի քննարկմանը ներկայացվող իրավական բնույթի փաստաթղթերի, նախագծերի համապատասխանությունը գործող օրենսդրության պահանջներին.
զ/ մասնակցում են խնամակալության և հոգաբարձության հանձնաժողովի աշխատանքներին: Վարչական շրջանի ղեկավարի հանձնարարությամբ բաժինն իրականացնում է օրենքով և իրավական ակտերով նախատեսված այլ լիազորություններ:


3. ԲԱԺՆԻ ՊԵՏԸ

Բաժինը ղեկավարում է բաժնի պետը:
Բաժնի պետն անմիջականորեն ենթակա ու հաշվետու է Էրեբունի վարչական շրջանի ղեկավարին և աշխատակազմի քարտուղարին:
Բաժնի պետին անմիջականորեն ենթակա և հաշվետու են բաժնի աշխատողները:
Բաժնի պետի բացակայության դեպքում նրան փոխարինում է բաժնի գլխավոր մասնագետը:
Բաժնի պետը.
ա/ կազմակերպում, համակարգում, ղեկավարում և վերահսկում է բաժնի աշխատանքները.
բ/լուծում է բաժնի խնդիրներն իր իրավասության սահմաններում.
գ/ բաժնի աշխատողներին տալիս է ցուցումներ, հանձնարարականներ.
դ/ բաժնի լիազորությունների սահմաններում նախապատրաստում է առաջարկություններ, տեղեկանքներ, հաշվետվություններ, զեկուցագրեր, միջնորդագրեր, հարցումներ և այլ գրություններ.
ե/ ստորագրում է իր և բաժնի անունից կազմվող փաստաթղթերը.
զ/ ապահովում է բաժնի փոխհարաբերությունները աշխատակազմի այլ բաժինների հետ.
է/ կազմակերպում է քաղաքացիների ընդունելություն` բաժնի աշխատանքային բնագավառին վերաբերող հարցերով.
ը/ իրականացնում է օրենքով և այլ իրավական ակտերով նախատեսված այլ լիազորություններ:

4. ԲԱԺՆԻ ԱՇԽԱՏՈՂՆԵՐԸ

Բաժնի աշխատողները.
ա/ իրականացնում են սույն կանոնադրությամբ նախատեսված` բաժնի գործառույթներից բխող աշխատանքներ.
բ/ կատարում են բաժնի պետի հանձնարարականները և անմիջականորեն ենթակա ու հաշվետու են նրան.
գ/ սահմանված կարգով մասնակցում են բաժնի պետի կողմից կազմակերպված` քաղաքացիների ընդունելությանը.
դ/ բաժնի պետի հանձնարարությամբ մասնակցում են Հայաստանի Հանրապետության համայնքների և այլ կազմակերպությունների ներկայացուցիչների հետ հանդիպումներին, սեմինարներին, հանդես են գալիս առաջարկություններով, զեկույցներով և այլն.
ե/ բաժնի պետի հանձնարարությամբ ներկայացնում են Երևան համայնքի շահերը դատական մարմիններում.
զ/ պատասխանատվություն են կրում օրենքների, այլ իրավական ակտերի պահանջները չկատարելու կամ ոչ պատշաճ կատարելու համար: