Պրոթեզաօրթոպեդիկ պարագաների վերականգնման տեխնիկական և այլ օժանդակ միջոցների տրամադրման կարգ

Ընդհանուր դրույթներ

Պրոթեզների եւ Օրթեզների տրամադրումը

Ելնելով ֆիզիոլոգիական առանձնահատկություններից՝ երեխաների օրթեզավրումը կատարվում է տարեկան երկու անգամ:

• Հաշմանդամներին սույն կարգով սահմանված ժամկետներից շուտ պրոթեզավորման եւ օրթեզավորման անհրաժեշտության վերաբերյալ եզրակացություն է տալիս Հայաստանի Հանրապետության բժշկասոցիալական փորձաքննության գորածակալությունը:
• Առաջին անգամ պրոթեզավորման համար դիմած՝ ստորին վերջույթի անդամահատում ունեցող հաշմանդամի համար, մինչեւ հիմնական պրոթեզի պատրաստումը, պատրաստվում եւ նրան տրամադրվում է բուժամարզական պրոթեզ:
• Վերին վերջույթի պրոթեզի կարիք ունեցող հաշմանդամին չորս տարվա ընթացքում տրամադրվում են մեկ կոսմետիկ պրոթեզ եւ մեկ շարժողական պրոթեզ (ձգողական կամ բիոպրոթեզ):

Պրոթեզաօրթոպեդիկ պարագաների վերականգնման տեխնիկական եւ այլ օժանդակ միջոցների տրամադրման ձեւակերպումը

• Սույն կարգի 4-րդ եւ 12-րդ կետերում նշված անձինք պարագաներ ստանալու համար դիմում են տարածքային մարմին՝ ներկայացնելով դիմում, անձը հաստատող փաստաթուղթ (մինչեւ 16 տարեկան երեխաների համար նրանց ծնողներից մեկը կամ օրինական ներկայացուցիչը ներկայացնում է իր անձը հաստատող փաստաթուղթ եւ երեխայի ծննդյան վկայական), նշված անձանց համապատասխան կարգավիճակը հավաստող փաստաթուղթ, հաշմանդամներն առաջին անգամ դիմելու դեպքում՝ նաեւ վերականգնողական անհատական ծրագիր, լսողական սարք ստանալու համար՝ նաեւ սուրդոլոգի եզրակացություն, իսկ աչքի եւ ձայնալարերի պրոթեզավորման համար՝ նաեւ համապատասխան մասնագիտացված բժշկական կազմակերպությունների եզրակացութունների:
• Տարածքային մարմինը քաղաքացու դիմումը գրանցում է մատյանում, քաղաքացու՝ սոցիալապես անապահով լինելու դեպքում դրա մասին նշում է մատյանում եւ դիմումի ու դիմումին կից ներկայացված փաստաթղթերի հիման վրա քաղաքացուն ուղեգրում համապատասխան կազմակերպություն՝ նշելով ուղեգրի տրամադրման հիմքերը:
• Պարագաները ստացող՝ սույն կարգի 4-րդ եւ 12-րդ կետերում նշված անձանց համար կազմակերպությունում լրացվում է անձնական քարտ, որտեղ նշվում են ստացողի ազգանունը, անունը, բնակության վայրը ծննդյան տարեթիվը, հիվանդության ախտորոշումը, պարագաների անվանումները, արժեքը, տրամադրման ժամկետը, անվճար տրամադրման իրավական հիմքը: Կազմակերպությունն իրականցված միջոցառումների մասին հաշմանդամի վերականգնողական անհատական ծրագրում կատարում է համապատասխան նշում, որը վավերացվում է կազմակերպության կնիքով:

ՊՐՈԹԵԶԱՕՐԹՈՊԵԴԻԿ ՊԱՐԱԳԱՆԵՐԻ, ՎԵՐԱԿԱՆԳՆՄԱՆ ՏԵԽՆԻԿԱԿԱՆ ԵՎ ԱՅԼ ՕԺԱՆԴԱԿ ՄԻՋՈՑՆԵՐԻ ՕԳՏԱԳՈՐԾՄԱՆ ԺԱՄԿԵՏՆԵՐԸ